40 نصيحة قد تحميك من زيادة استهلاك البنزين: «لو إيدك جت على التكييف غلط استغفر ربنا»

بوابة الحدث


بمزين

انعكس قرار الحكومة، برفع سعر المواد البترولية صباح اليوم، على مواقع التواصل الاجتماعي، وتحول رد فعل مستخدمو السوشيال ميديا، إلى تناول الأمر بشكل كوميدي.

وكانت الحكومة، أعلنت صباح اليوم، رفع سعر بنزين 92 إلى 5 جنيهات/لتر من 3.5 جنيهات، بزيادة نحو 43 بالمائة، كما رفعت سعر بنزين 80 إلى 3.65 جنيهات بدلًا من 2.35 جنيه بزيادة 55 بالمائة، فيما زاد سعر بنزين 95 بشكل طفيف إلى 6.60 جنيه للتر من 6.25 جنيه بارتفاع 5.6 بالمئة، ورفعت مصر سعر السولار إلى 3.65 جنيه للتر من 2.35 جنيه، بزيادة 55 بالمئة، غاز السيارات 25 بالمئة إلى جنيهين للمتر المكعب من 1.60 جنيه.

واجتهد بعض مستخدمو مواقع التواصل الاجتماعي، وتناول الموضوع بشكل كوميدي، كأحد أنواع التخفيف بعد القرار، ومن بين تلك الاقتراحات، نصائح ـ غير مجدية بالطبع ـ لتخفيض استهلاك الوقود، في أثناء استخدام السيارة، مثل عدم استخدام التكييف، أو استبدال لسيارة بموتوسيكل أو دراجة.

وتداول المستخدمون، بوست، جمع صاحبه 40 نصيحة، لتوفير الأموال.

Image result for ‫بنزين‬‎

40. انسى الفرك والتخميس.

39. ممنوع تحرق على الغيار.

38. بطل العربية وأنت نازل تشترى حاجة حتى لو 20 ثانية.

37. متشغلش التكييف.

36. بطل العربية فى الإشارات.

35. متسافرش بالعربية بعد كده.

Image result for ‫سفر بسيارة‬‎

34. لو معاك عربية أكتر من 1600 CC بيعها.

32. لو معاك عربية أكتر من 1200 CC بيعها برضه.

31. متشغلش التكييف.

30. ممنوع تركب أكتر من اتنين معاك فى العربية.

29. ممنوع تفتح أكتر من شباك وأنت سايق.

28. لو السكة زحمة اركن على جنب لغاية ما تسلك.

27. خلى معاك حبل فى العربية عشان هتحتاجة كتير.

26. متشغلش التكييف.

25. لو فى اكتر من عربية فى الأسرة انصحك بالاستغناء عن واحدة أن لم يكن كلهم.

Image result for ‫أكثر من سيارة للأسرة‬‎

24. التيربو والديفيل وفلتر هواء الرياضى ده تنزل تشيلهم وتولع فيهم وقتى.

23. حاول تسترزق في السكة خدلك واحد من الطريق وخد اللى فيه النصيب.

22. الشد مع عربيات فى السكة دى بقت اسمها فقرة الذكريات.

21. ابوس ايدك متشغلش التكييف.

20. اللى معاه جيب او عربية دفع رباعي ده راجل يستحق الصدقة دلوقتى متنساهوش عشان ربنا يفتكرك.

Image result for ‫جيب‬‎

19. عصر الشهامة وانزل اوصلك يا حاج انتهى ياريت تراجع نفسك تانى قبل ما تتشاهم.

18. لو أبوك قالك انزل وصل أختك أو انزل هاتلى حاجة اعمل نفسك ميت.

17. القيادة فوق 100 كم/ساعة إسراف وتبذير ربنا هايحاسبك عليه.

16. متشغلش التكييف نهائياً.

15. اللى معاه عربية دلوقتى يستحق أي حسنة عامله كانه فقير.

14. المشوار اللى أكتر من 20 دقيقة قيادة متروحش بالعربية.

13. لو ساكن بعيد عن شغلك يا تسيب شغلك يا تعزل اوفرلك صدقنى.

12. اى حاجة بتزود فى حرق البنزين صلحها من دلوقتى احسنلك.

11. الغى التكييف من العربية أحسن.

10. اتعلم تسوق موتوسيكل أو عجلة هتحتاجهم قريب.

9. لو عربيتك قديمة شوية استعمل بنزين 80.

8. ادعي ربنا فى صلاتك إن السكة متكونش واقفة وانت بالعربية.

7. حاول تصاحب سواق ميكروباص وانسى ستايلك دلوقتى.

6. متشغلش التكييف عشان خاطر أولادك.

5. الاحتياطى في التانك أهم من رصيدك في البنك.

4. تسخين العربية ميزدش عن 30 ثانية كحد أقصى.

3. بدل ما تروح لواحد صاحبك بعلبة شيكولاتة خدلك جركن بنزين أحسن.

2. ماتفولش العربية عشان العداد هيغريك أنك تمشي أكتر حط 10 لتر بس.

1. متشغلش التكييف، ولو إيدك جت على التكييف غلط واشتغل منك لا قدر الله، اركن فوراً و اغسل وشك واستغفر ربنا وإن شاء الله مش هتتكرر تاني.

Image result for ‫تكييف السيارة‬‎


[ad_2] هذا المحتوى من موقع المصري اليوم
بوابة الحدث الإخبارية

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

عاجل : إلقاء القبض على “ضابط ” مفصول شارك في عملية الواحات

أشارت بعض المصادر إلى أن الأجهزة الأمنية تمكنت من إلقاء القبض على “حنفي محمد جمال” أحد ...