تعرف على سر ظهور طفل مع عمرو دياب على المسرح لعامين متتاليين.. صور

بوابة الحدث : فن



القاهرة – Gololy

كشفت شقيقة الطفل محمد عمرو، الذي ظهر برفقة الفنان المصري عمرو دياب على المسرح في حفله الأخير ببورتومارينا الساحل الشمالي وشاركه الغناء، السر وراء ظهور شقيقها مع الهضبة لعامين متتاليين.

علا عمرو، قالت عبر صفحتها الشخصية بموقع «فيس بوك»: «موضوع محمد أخويا و عمرو دياب في اختصار، السنة اللي فاتت و زي كل سنه بنروح حفلات عمرو و بنقف أول صف، ولا في بالي محمد يلبس إيه عادي لابس تشيرت بيحبه و مستنين عمرو عشان نقضي الحفلات، عمرو أخد باله من محمد في أغنية «علي حبك»، شاوره و بعتله بوسه، لمحه مره تاني بيغني و مندمج شاورله بردوا زي أي حد، في أغنية محمد كان حافظها عمرو أخد باله اكتر و قاله تعالي أنا عايزك، طلع علي الاستيدج و أخر حاجه تخيلتها أنه هيتصور و ينزل بس، اتفجأت انه بيسأله و يقوله حافظ أغاني ايه و عندك كام سنة،و غني «الليلة»، و «خلينا لوحدينا» و «هي عامله ايه دلوقت» و«ايه يعني»،و وياه كان فعلا احلي يوم في حياتي و مفيش اي ترتيب ولا تفكير من اساسه».

وأضافت: «2017 اقسم بالله ولا كنت رايحة الحفلة ولا معايا تكيت حتي لأنها خلصت من بدري، و محمد نفسه جدا يروح و زعلان لأنه عايز يشوف عمرو و يروح حفله زي ما اتعودنا، حد كلمني يوم الحفلة العصر و قالي في تكيت تيجي بس سعر اكتر و محمد زعلان و عمال يقول يلا نروح قومنا لبسنا و نزلنا رايحين عشان ننبسط بردوا وقفنا أول صف و محمد عامل شعره زي حفله مارينا زي كل الشباب لأنه بيقلد عمرو دايما، طلع عمرو و إذ فجأة يشاور و يبص أوي لمحمد و يقوله أنت تاني مش كنت هنا السنة اللي فاتت، حفظت الألبوم ولا لسه محمد قاله اه قاله هشوف و هختبرك استني، غني عمرو و كله هايص مرة تاني قاله وريني لابس ايه و خلي حد يرفعك الناس تشوفك، بعد كده قاله يلا تعالي وغني اقسم بالله حاجات انا معرفش امتي و ازاي حفظها و قولت اكيد محمد مش هيعرف يغني لأنه سمع الألبوم الأسبوع اللي فات ولا متفقين ولا مرتبين ولا نعرف عمرو غير زي كل الناس ما تعرفه».

هذا المحتوى من موقع جولولي
بوابة الحدث الإخبارية

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

وظائف بوابة الحدث

مطلوب مسوق عبر التليفون – مصر وظائف

بوابة الحدث : وظائف خالية شغل – وظائف – فرص – عروض – شغلني – ...