فوق التلاتين انبهارك بالأشخاص والاماكن هايقل او يمكن مايكونش موجود هايبقى حلم حياتك يومك يمشى عادى بدون ازعاج او حوارات او هرى ملوش لازمه هايبقى بالنسبه ليك اى شخص مهما كان واو هو اقل من العادى او يمكن الشخص العادى هايبقى بالنسبه ليك الشخص المناسب فى التلاتين هاتكتشف انك محتاج ناس تكون نضيفه وهادية وانك خلاص مابقاش عندك طاقه لأى فرهدة وان اللى غيرك منبهر بيه ونفسه يجربه انت زهقت منه وعايز تجدد حياه السهر للصبح فى أماكن السهر او حتى الحفلات بقى ممل هى هى الناس نفس الوشوش اللى اتعودت عليها من سنين مفيش جديد بتصاحب وبتسيب بتتخذل وبتنتصر يوم عايش عيشه الوليد ابن طلال ويوم مع الغارمين بس مبسوط وياسلام لو عايش لوحدك هنا بقى الموضوع بيختلف لأنك بالمعنى الحرفى عندك استعداد تستغنى عن أى حد ممكن يعكر مزاجك وبمنتهى الهدوء من غير حتى ماتتعصب بتبقى عايز الهدوء اللى اتعودت عليه اللى بتحس فيه انك لاقيت نفسك واى شخص هايحاول يدخل حياتك مش هاتبقى عارف تتاقلم معاه قوى لانه بالنسبه ليك شخص استثنائي مش اكتر هاياخد وقته ويمشى الفكره انك بعد التلاتين بتبدأ تدور على شخص يشبه روحك قبل قلبك شخص فاهم تفاصيلك شخص مش متعب عارف ازاى يحتويك عارف ازاى يتعامل مع أفكارك ويشجعك حتى لو كنت ضعيف يكون دايما داعم ليك حتى لما تغلط يصلحلك غلطك مش يهاجمك شخص يكون سند بجد وأمان مش هو والحيط اخوات لما هاتوصل للسن ده مش هاتعرف تحب او تتحب غير من شخص اكبر منك فاهم الدنيا اكتر منك كمان علشان تعرفو تكملو فى التلاتين الانبهار بيقل بكل شيء
